يد ضالة تحمل الكأس

ولو سألتنى عن الخمر
سأمط شفتى السفلى بمعنى انه لاأعرف
وقتها ستنظرلى تلك النظرة
المتسائلة بعدم تصديق
نعم ياصديقى
أنت ترانى غارقة فى الخمر حتى الثمالة
فتظن ان حياتى أضحت زجاجة ضخمة من الفودكا
وما لا تعلمه حقا
أن كل ما أنا فاعلة أياه
هو محاولة فهم هذا المشروب السحرى المحرم
فقد قالوا لى من قبل أنها تذهب العقل
وما رأيت منها إلا قمة العقل
أليس منتهى النضوج العقلى أن نكون نحن , أنفسنا
فنخلع أقنعتنا بكل بساطة ورضى
ونبعث بعض السلام على النفس التى أرهقها التصنع والتجمل
وقالوا لى أيضا ان هناك علاقة غير شرعية بين الخمر والجنس
اسمح لى ياصديقى
فمن يريد فعل شىء معين ولكن يرتجع للكثير من الإعتبارات والمخاوف والقيود التى لا طائل لها
لماذا لايفعله وهو فى أكثر لحظاته صدقا من نفسه ومع العالم
ولاحظ ان الجنس رغبة طرفين وليس طرف واحد
هو يريد وهى تريد وحالة الشفافية والصدق المصاحبة لشرب الخمر كشفت المستور وعجلت بحدوث ما كان سيحدث الآن أو بعد عشرين سنة
مع العلم انها فقط كشفت عن رغبات كانت موجودة أصلا ولكنها لم تخلقها
أتعلم
أحيانا يخيل لى أن شخص ما كان موجود منذ قديم الأزل وكان يعلم كل الحقيقة ولسبب ما لا أعرفه قرر تضليل البشر وتشتيتهم حتى لا يبحثوا عما يحاول هو إخفاءه
وانشغل كل فريق منهم بإثبات أنه الحق وباقى الفرق باطلة
وتاهت الحقيقة فى عتمة الأساطير الملفقة
وكيف سنجد نحن ما تآمرت البشرية كلها بدون قصد لتعتيمه
لأنها لم تجهد نفسها بالبحث عن الحقائق
بل اجهدت نفسها فى محاولة إثبات أنها الحقائق
وهنا تصبح مقولة ستيفانسون "لا يحاول العالم إثبات أى شىء بل إنه يحاول أن يكتشف الحقائق" ليست إلا إضحوكة أو انه كان يتحدث عن عالم آخر
بمعنى ,
أن كل ديانة أو طائفة أو مذهب كان هدفها الأساسى هو إثبات أنها الحق المبعوث من الإله ولم تفكر أن تبحث هل هناك إله أصلا لأن هذا يتعارض مع التشريع الذى تبذل ما فى وسعها لإثبات صحته
لذلك جرموا التساؤلات حول كل ما من شأنه أن يشكك فى صحة اعتقادهم
فلا جدال حول الثالوث المقدس ولا تتساءل بشأن الإله ,أين هو وماذا يفعل ولماذا يختبرنا ولماذا خلقنا وماذا كان يفعل قبل ان يخلقنا ولماذا خلق قوى الشر.......
كل هذا حرام حرام حرام
فأضحت المعرفة محرمة
تمام كما الخمر
لأن هذا الشخص الذى قرر تضليل البشر كان يعلم أن حل أبسط الحقائق وأكثرها تعقيدا موجود بالخمر
بمعنى أصح
حل ألغاز الكون موجود
والخمر هو القطعة الاخيرة والناقصة دائما
لتكتمل الحقلة
الموضوع معقد فى ذهنى
اعذرنى ياصديقى واعطنى رشفة من كأسى
حتى أستطيع أن أوصل لك المغزى من وراء طريقتى المتواضعة فى الشرح
الإنسان فى الحالة العادية لا يكون صادق بالكامل مع الآخرين
يضع نفسه فى إطار معين ويدافع بكل قوته عن هذا الإطار حتى لو لم يكن مقتنع فعليا بان هذا هو الصواب
يتشبس بمبادىء غير قابلة للنقاش لأنه لايريد أن يفقدها حتى لو ادعى انه غير متعصب لها أمام الآخرين
الإنسان كيان معقد تماما..ولا يستطيع فهم ذاته
بل واحيانا يفعل اشياء كثيرة ويتخذ مواقف عنيفة بدون أن يستوعب فعلا لماذا يفعل هذا أو ذاك
وهذا مايعطل التفكير السليم
وتظل حلقة التفكير المتكامل التى تؤدى إلى نتائج صائبة منقوصة دائما ومعيبة بغباء البشر
وزجاجة واحدة من الخمر قادرة على إذابة هذا الخط من الكبر
كأنها حالة من الاستسلام التام لكل ماهو حقيقى حتى لو كنا نرفض الاعتراف به فى الواقع
كأن يعترف شخص ما لفتاة أنه يحبها وهو فى الحقيقة كان ينكر ذلك أشد نكران ولم يكن يدرك أنه يحبها حقا
وهنا نصل إلى أن الخمر لا يذهب العقل بل إنه يجعل الفرد فى حالة رائعة من الشفافية المطلقة
وهنا أدرك الرجل الخبيث المضلل ان العالم لو أتفق إتفاق غير معلن
أو شاءت المصادفة التى أوجدت الكون ان تتكرر
فتوجد البشر جميعا ودائما فى تلك الحالة من الشفافية والصدق
مع الاحتفاظ بالعقل الذى يفكر ويبحث عن الصدق الكونى
أن حينها ستكتمل الحلقة الناقصة وتشترك البشرية كلها فى فك شفرة الكون
ونصل جميعا لكل ما أبدعت الأديان وتألقت فى منعنا من الوصول إليه
إذا كان هناك ذلك الرجل
وحرّم الخمر لهذا السبب
فاسمح لى ياصديقى ان انحنى له وارفع القبعة
احتراما لمجهوده الرائع فى تعتيم الحقيقة
ولنشرب معا هذا الكأس نخب رجلنا الإسطورى
الذى جعلنا نتوصل إلى حقيقة أن الكون منذ ميلاده وهو غير صادق
لأنه لم يصل بعد إلى النقطة التى يكون عندها كل الناس مخمورة
مثلى ومثلك الآن
CHEERSياكأسى العزيز

CHEERS

انا برده مؤمن بأن كان فيه شخص زماااااان اخفي كل الحقائق لكني برده مؤمن ان المجتمع ذاته هو اللي بيضع قوانينه و عاداته
ليس اعتبار لدين و لا لعقيده و لكن اعتبارا لمشاعر البشر

نبدأ من الاول نحلل الخمر
ايه هي الخمر؟؟
هي كل المشروبات اللي فيها نسبه من الكحول بإختلاف النسبه و طريقه التحضير و الاساس فيها هو الكحول الايثيلي او الميثيلي
و كل الحجات اللي مش مقطره في الخمره (المتخمره زي البيره و البوظه و النبيذ و خلافه) نسبه الكحول لو وصل ل 18 % هنلاقي ان قوه التخمير انتهت و وقفت عند هذا الحد

سيبنا من الهلك ده كده انا هبعد عن الموضوع
خلينا في الفوائد و الاضرار
لان مافي شئ الا و ليه ناحيتين سلبيه و ايجابيه

شرب المواد الكحوليه بصوره معقوله بيقلل النوبات القلبيه و الزهايمر و السكر و الجلطه
كل الاشياء دي و حجات تانيه بيقلل حدوثها

لكنه للاسف بيؤدي الي سرطان الجلد و الحلق و الفم

المهم الصوره المعتدله دي يقال انها
ما يعادل كأسين من الكحول و ده طبعا حاجه تعتبر قليله جدا بالنسبه لشعب شهواني و شره زي شعبنا المصري اللي بيحب الزياده في كل شئ

نسبه مش قليله حوالي 45% من المصابين بمرض الايدز اللي هو ضعف المناعه بيكونوا مدمنين كحول

كل شئ في الحياه ليه نواحي ايجابيه و سلبيه لكن نبص بقي من الناحيه التانيه اللي هي ناحيه الدين

من وجهه نظري انا اللي قد تكون صائبه او مخطئه
الدين فلسفه للحياه
و عاده الدين بيجي لتنظيم سلوك البشر بعضهم ببعض بصوره مقرره بمعني ان كل المحرمات و الاشياء المباحه في الدين هي هي نفس الاشياء اللي كان المجتمع بيرفضها او بيقبلها

بمعني اننا في اليهوديه و المسيحيه الخمر لم تحرم تماما لان المجتمع اللي نزل فيهم الديانه النصرانيه او ديانه موسي كانوا بيتقبلوا هذا الامر لكن باعتدال عشان كده اتحرم شرب الكحول بصوره فيها افراط
اما في الاسلام في شبه الجزيره العربيه لاعتبارات اقتصاديه في المقام الاول لو نظرنا للموضوع بصوره دنيويه هنلاقي ان المجتمع ده اقتصاده مكنش من اساسيات انتاجه تجاره الكحول و لكنها كانت اشياء كرفاهيه و بتمثل عبء مالي فتحرمت بالتدريج عشان برضه قدره المجتمع ده هل هيتقبل الامر و لا مش هيتقبله و قد تقبله في النهاية.

لكل شئ ضرر و نفع
و من المتعارف عليه عند كل البشر و علماء الطب و الكيمياء ان اضرار الكحوول اكتر من نفعه و خصوصا لو استخدم بافراااط

نبدا بقي نربطه بالجنس

عموما الكحول بيقلل القدره الجنسيه لدي البشر سواء الانثي او الذكر و ده شئ معروووف

لكن ايه التشابه فيهم؟؟
الاتنين عباره عن شهوات مش اكتر

طيب الانسان كائن ارقي بمعني انه مش زي الحيوان
بس برده اعتقد ان الحيوان ليه عقل لان كل الحيوانات بتتعلم و الحمار بيكون عارف طريقه لوحده يعني بيتعلم

رأى فرويد أن الشخصية من 3 اشياء
الهو و الانا و الانا العليا

الهو اللي هي حجات موجوده فينا من غير اي تفكير و تنظيم اللي هي الشهوات و الهو بيشتغل حسب الاحتياج للذه بدون تقييد و بدون مراعاه اي شئ
لو جعان هاكل لو عندي حاله من الهياج الجنسي سأقع فى الزنى و هكذا

و اعتقد حسب تفكيري المضمحل ان الخمر تذهب العقل من هذا المفهوم
انها بتقلل قدره البشر في وضع اعتبار انه كائن ارقي
تلاقي نفسك جعان فتروح تاكل اي شئ و تلاقي نفسك عايز بتضيع كل القيوود اللي انته وضعتها لنفسك مع انثي تشتهيها و العكس.

يبقي اعتقد ان اذهاب العقل هنا مش في انك مبتعرفش تفكر
لان كل الكائنات بتفكر و لكن اعتقد ان اذهاب العقل بيكون في الوضع ده
انك بتنزل من رقي نفسك كبشر الي درجه اقل زي الحيوان
بتكسر الحواجز و القيود و بتتصرف بحيوانيه رغم انك انته اللي حاطط القوانين دي عشان تنظم و تحترم الاخرين
و اختصارا لكلامي
الكحول مش مربوط بس بالجنس
لا مربوط بكل الشهوات التانيه
حاله من العطش و الجوع و كل حاجه
لان عقلك مبقاش يفكر غير في شهواته و اختفي المنطق تماما

هنا لنا وقفه
بس يا فريش الكلام دا جامد جدا
جامد جدا
على العموم انا بعمل كل اللى انا عاوزه من غير ما اشرب
طبعا انا موش هتكلم عن الاخ سيجموند فرويد
اللى ربط كل حاجه فى الدنيا بشهوه الجنس
ولا هتكلم عن عبثيه الوجود
او اى نظريه ظريفه
كتبها واحد رايق
او متضايق
اكتبى يا فيشو
ارتقى بقلمك فوق علوم الكهنوت
اكسرى الحواجز التى وضعتها عقول متحجره
be yourself and don't give a **** care of anything or anyone .. we are gonna live once .. enjoy it because it's too short ..
هاتى سوجاره بقى

يتبع

لوكو أنا متفقة معاك تماما فى تحليلك المنظم للخمر
نيجى بقى لنقطة
أن الدين فلسفة للحياة
وكلامك
"في الاسلام في شبه الجزيره العربيه لاعتبارات اقتصاديه
في المقام الاول لو نظرنا للموضوع بصوره دنيويه هنلاقي ان المجتمع ده اقتصاده مكنش من اساسيات انتاجه تجاره الكحول و لكنها كانت اشياء كرفاهيه و بتمثل عبء مالي فتحرمت بالتدريج عشان برضه قدره المجتمع ده هل هيتقبل الامر و لا مش هيتقبله و قد تقبله في النهايه

هو منطقى تحريم الخمر فى شبه الجزيرة العربية لأنه مكنش داخل فى اقتصاده تجارة الكحول؟؟؟؟؟؟
دا تصرف بنى آدمينى عالآخر معتقدتش فى إله هيحرم الخمر فى بلد وهيسمح بيها لناس تانية عشان تجارة الكحول كانت من اساسيات انتاجهم

اوك يا فيشو
عموما الله لا يحرم و لا يحلل الا اللي المجتمع بيقره
بمعني ان ليه مثلا في كل الاديان حرام معاشره النساء اثناء فتره الحيض؟؟
ليه من طقوس عباده الحج في الاسلام الصعود الي جبل عرفات؟؟
دي مجرد امثله اللي انا عارف اجابتها في اللحظه دي بس كل طقوس العباده بكل المحرمات و الاشياء المباحه انا من وجهه نظري المجتمع هو اللي اقرها
قد اكون مخطئ و قد اكون صائب
دي مجرد وجهه نظر

يتبع

بمعني ان الانسان القدييم جدااا كان بيعتبر المرأه اله
لانه كان بيعتقد انها اساس الخلق
لانه كان بيلاحظ ان الحمل بيأتي بعد فتره الحيض عادة فكان بيعتقد في شيئين ان الدم ده دم مقدس و هو السبب في الخلق و بالتالس كانت المرأه هي اساس الخلق
عشان كده معظم الالهه القدامي اووووي نساء
و من الوقت ده امتنع الرجل من معاشره المرأه في هذه الفتره و الموضوع ده اقرته كل المجتمعات من بعدها و الاديان ايضا اتت لتوكيده لان المجتمع بيرفض الشئ ده

جبل عرفات مثلا كانت البشر قديما تصعد للتعبد فيه عرايا و كل النساء لكل الرجال
بعد كده لما المجتمع انكر المشاعيه و نبذها و بقي فيه تخصيص في كل شئ اصبح كل رجل و امرأه يصعدوا معا للتعبد فوق عرفات و برده يمارسوا الجنس لانه كان المجتمع ده وقتها بيعتبره نوع من انواع الرقي الروحي للتقرب من الاله

الاسلام نزل في المنطقه دي بس مع التغيرات الفكريه وللمجتمع اللي كان عايش هناك لم يزيل الطقس الوثني و يمحيه لان المجتمع منذ نشأته و هو بيمارسه بالعكس اقر الصعود الي عرفات في اسمي عباده و هي الحج و اقرها تماما مثلما كانت تطورت في هذا الوقت

عموما من القائل ان في اله بيسمح بشئ و بيحرمه في دين اخر؟؟
أَقُولُ لَكُمْ: إِنِّي لاَ أَشْرَبُ مِنْ نِتَاجِ الْكَرْمَةِ حَتَّى يَأْتِيَ مَلَكُوتُ اللهِ

عموما انا لا شيخ و لا قس لكن في الدين عامة بأختلافه في نصوص بتنكر شرب الخمر
و الايه السابقه
في الاصحاح الثاني و العشرين

لا يا فريشو التشريع جاي من فوق لاقرار الواقع او نبذه
بمعني ان المرأه مكنش ليها اي ميراث
التشريع لما جه غير الموضوع ده
لكن انا قصدي ان التشريع او الرساله القادمه من السماوات تذكر الناس فقط بالعوده الي الله و تؤكد علي القيم اللي وضعها المجتمع لنفسه و تطور فيها بعض الشئ لكنها عمرها متفرض شئ علي المجتمع فوق طاقته و لا تلغي او تمنع شئ من اساسيات معيشته

الله لا يحرم ولا يحلل إلا اللى المجتمع بيقره
دا كلامك
ودا بيؤدى إلى نتيجة أن الله ينتظر المجتمع بيقول دا صح عشان يقول اه دا صح
ولو المجتمع قال أن الحشيش دا عباده لربنا مانتا عارف الناس كلها بتحب الحشيش
هتلاقى آيه نازلة من فوق تحلل شرب الحشيش
لو الدين كل مهمته أنه يقر بما يوافق عليه المجتمع او يرفضه يبقى كان كفاية امضاء منه على كتاب الدستور وخلاص
طيب فى مجتمعات ثقافتها تقبل الشذوذ الجنسى بل والفخر به بتعليق الاعلام فوق المبانى فخرا بشذوذهم ليه الدين مأقرش ما توافق عليه هذه المجتمعات.

فى مجتمعات ثقافتها تقبل الشذوذ الجنسى بل والفخر به بتعليق الاعلام فوق المبانى فخرا بشذوذهم
؟؟
مجتمع ايه ده يا فريش ؟
متقوليليش ان فيه مثلا المجتمع الصربي كله شواذ
لاحظي الكلمه اللي انتي بتقوليها اصلا عليهم
شواذ يعني خارج عن الطبيعي او المألوف
يعني خرج عن قيم المجتمع في موضوع معين
عموما لن نختلف انتي كنتي بتتكلمي في نقطه معينه و اتفقنا فيها اما الجزء الاخر قلتلك ده وجهه نظري و مش شرط تكون صح
لكن تكويني الفكري في الظرف الزمني و الموضوعي في الفتره دي من حياتي اللي اتكون نتيجه لقراءات مختلفه وصلني لهذا الشئ و بما ان انا مش سمر سالم و هي مش محمد جابر اذن معرفتي غير معرفتها يبقي اكيد وجهه نظري غير وجهه نظرها
عايزانا نتفق يبقي في حل من اتنين يا اما انا ارشحلك مجموعه كتب كتييييير اللي من خلالها كونت وجهه النظر دي او تعملي انتي معايا كده و برده مش هنتفق تماما لان انا مش عايش في الظروف اللي انتي فيها و الفكر اللي انا معتنقه غير اللي انتي معتنقاه
فأدوات تحليلي للامور هتختلف عنك

المهم ايه اخبار ايليت؟؟ Very Happy

مبدايا
الهبل فى الجبل مش نافع
ثانيا انت ليه متخيله موضوع التضليل الجماعى
ليه الوساوس
لماذا تفترضى افتراضات وتبنى احكام بدون مناقشه الافتراضات
انت مضلله - بضم الميم وفتح اللام
لو اعملت عقلك الحاضر وتفكرت فى الكون فى عجيب الدنيا فى تفاصيل الحياه لفهمت كل شئ
ولكن عندما تغلق على العقول الفهم
تتيه وتحاول ان تتخيل ماليس بحقيقي
او انها لا تتحمل الواقع المؤلم فتبحث عن اجابات ماديه لتغرق بسكراتهاوتشبع نشوتها

ابحثى عن السعاده المطلقه التى لا ترتبط باحد او بشئ
او بحدث او بموقف

ابحثى عن فيض النور الغامر
ليس بالسهل الوصول

ولكن الامر يحتاج للعقل والفكر
ان تفكرى من خارج الصندوق ان يكون لديك عقل متفتح لترى الامور من فوق مش من تحت
نظرتك اللى من تحت هاتخليكي تحت
بصى من فوق كتير هاتشوفى الصوره الكبيره وهتفهمى سر الحياه

معلش ردى سخيف بس كلامك اسخف

مجوجل
مبدئيا أشكرك على أدبك فى الحوار
فهكذا يكون الحوار المتحضر وتقبل الرأى الآخر

ثانيا نعم هذه القطعة تتحدث عن شخض ضال عن الحقيقة كنت أظن ان العنوان (يد ضالة تحمل الكأس )ليس بحاجة إلى شرح

واعذرنى لا أستطيع أن أبدأ حوار معك وأرد على تعليقك حتى لا أسمع المزيد من هذا الحوار المتحضر

ومن قال إن الخمرة ممنوعة أنا لى موضوع فى حكم الخمر فى الخليلية أدعوكم لقراءته وبعدين الخليلية السمحة هى التى توحدنا جميعا فى إطار روحى محبوى نسعى للسمو الروحى والمحبة فالإنسان أخو الإنسان وأنت عندما تقرأ التاب المقدس تستشعر تلك الروحانية التى تدعو إليها الخيليلية
روح المحبة
روح الأخوة
روح التسامح
هيا بنا لنتخلص خليليا من القيود
التى كبلت محبتنا ومشاعرنا الإنسانية
والمحبة والروحانية والتسامح الخليلى
فى انتظاركم على الماسينجر
لنتحاور كيف نبنى أرواحنا
كيف نتخلص من عقدنا كلها
فى روحانية وسمو ومحبة

من أهم مزايا الإبداع كسر القيود وتحطيم التابوهات...لا أحبذ كثيراً مناقشة التابوهات الدينية والدوران في فلك التحليل
...الإنسان الناضج العاقل لا يحتاج لإنسان مثله يرشده للصواب ويحذره من الخطأ...كلاً منا يملك المعرفة الناضجه بالصواب والخطأ سواء من الناحية الدينية أو من الناحية الدنيوية