لا يسمح لغير الرويبضة والخنفشارين بالمشاركة


 
الرئيسيةرفع الصورس .و .جبحـثالتسجيلدخول
  الشيخ حذافة الشاطبى يرحب بالضيف الرويبضى الكبير كمال البنا 
 ترقبوا مسابقة الرويبضة الكبرى ذات الجوائز القيمة

شاطر | 
 

 ازاي الدكتور يدخل في حياتي بالشكل ده؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مجوجل
رويبضى هجاص
رويبضى هجاص
avatar

عدد المساهمات : 30
تاريخ التسجيل : 28/04/2009
العمر : 27

مُساهمةموضوع: ازاي الدكتور يدخل في حياتي بالشكل ده؟؟   الأحد مايو 03, 2009 1:36 pm

قصة أعجبتنى قلت أجيبها ينتفع بها الرويبضيين king والروبيضات بالتحديد. queen
حسيت ببعض المشاكل الطبيعية التي بتحصل في بداية الحمل، رحت للدكتور اللي بثق فيه وفي أمانته وخبرته وكنت قلقانة بعد ما عملت تحليل دم و خايفة ان يكون هرمون الحمل قل أو حاجة... وبعد ما كشف عليا الدكتور وبص على هرمون الحمل قلت له وانا مرعوبة جدا.. خير يا دكتور؟

قاللي كله تمام... حالة الجنين كويسة وهرمون الحمل كويس... بس فيه حاجة واحدة... ساعتها حسيت ان قلبي وقع في رجلي واني بتنفس أنفاسي الأخيرة وايدي سقعت و بدأت تترعش

خير يا دكتور فيه ايه تاني؟

قال لي انتي مش لابسة الحجاب ليه؟؟ معقول ابنك او بنتك يجي الدنيا يلاقيكي كدا؟؟

انا بلمت في وشه واتصدمت

انا مندهشة من وقاحة أغلب المصريين في التدخل في حياة الآخرين بالصفاقة البشعة دي، ومن حالة الهوس الديني العجيبة اللي بيعانوا منها... مين أداله الحق يدخل في حياتي؟؟ انا عارفة الإسلام ومش محتاجة دكتور النسا او غيره يشرحه لي من أول وجديد

انا مش واحدة اوروبية اول مرة تسمع عن الاسلام والحجاب عشان كل واحد يعملي فيها الداعية الهادي وانا الخروف الضال بتاع أهله ويمارس علية عقده النفسية وآراؤه الخاصة... كل شيء موجود و طبعا في مصر محدش مش عارف الاسلام لانه تقريبا داخل في كل حاجة... وبالتالي بسهولة أقدر أعرف موضوع الحجاب وعذاب القبر وناكر ونكير والنار وشجرة الزقوم... مش محتاجة الأستاذ انه يفكرني او يعرفني شيء كلنا عرفينه ورضعناه مع لبن الأم

انا لسة في حالة صدمة... ازاي الدكتور يدخل في حياتي بالشكل ده؟؟

يعني هل الدين قال له رخم على الناس وادخل في حياتهم وكأن الدين أصبح شَربة لازم أشربها على الريق كل شوية بحجة الدعوة الى الله و تبرئة النفس؟؟ واكتر حاجة جننتني لما قاللي ازاي ابنك لما يجي الدنيا يلاقيكي كدا

كدا !!!!!!!!!!!!!!!!!!!!!!!!

كدا!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

كدا ايه يا عم الحاج؟؟؟؟

هوة انت شايفني ولامؤاخذة بجيب رجالة في بيتي واخد منهم فلوس؟ ولا شايفني معرية حاجة تانية وماشية بيها كدا؟ دانا مبينة شعري... شعر راسي يعني... فيها ايه دي؟ هو احنا وصلنا في مصر لمستوى ان شعر الراس يجيب العار للابن والزوج؟؟؟؟

انا عايزة اقولك اني اول ما حاخلف حاحاول اهرب برة مصر واربي ابني وسط الكفرة لانهم اثبتوا انهم اكثر احتراما لحقوق الانسان وانتو في مصر اثبتتم فشلكم في الحياة والحضارة وحتى الاخلاق اللي بتتشدقوا بيها... للأسف أغلبكم في مصر بلا أخلاق... وأحب ان أصدمك وأقولك ان التدين الموجود حاليا أغلبه شكلي وسطحي والأخلاق بقت زبالة... انتم أمة فاشلة حضاريا وانسانيا واخلاقيا... لسة ليكو عين تتكلموا وتعملوا فيها أصحاب الحقيقة المطلقة اللي اتحرمت منها البشرية؟؟

انا حاحاول اخد جنسية بلد بار بشعبه وبالتالي اكون انا بارة ليه... بلد تبحث عن انسان لتكرمه ويكرمها مش بلد فاشلة تلفظ البشر ويلفظونها كل يوم... ولسة عاملين فيها منابر الهدى العالمي

طبعا الاخ الدكتور الداعية اتأخر والستات بالعشرات حوامل قاعدين مستنيينوا وتعبانين... أصلوا بيحب يصلي جماعة في المسجد... وماله يا خويا صلي جماعة... حقك... بس ما يصحش تسيب ستات حوامل وفي ايديهم اطفال في الحر لغاية لما تصلي الجماعة... مش طالبة جماعة دلوقتي لانه الجماعة دي بتخليك تتأخر ما لا يقل عن نص ساعة... احنا كنا حوالي عشرين سيدة حامل... وهو بيتأخر في الكشف مع كل واحدة يمكن بالساعة أحيانا... وانتو أكيد عارفين يعني ايه حامل تفضل قاعدة كل الوقت ده

باختصار البشر عند هؤلاء أرخص من نعل الجزمة... مش مهم الحوامل يتقفروا ويتألموا ويتأوهو... المهم يصلي مع الجماعة

وتقولولي مصر امتى حتتقدم؟؟

طول ما وطاويط التدين المزيف مخيمة على سما مصر... أبشركم بمجاعة وضياع انا مش متفائلة وشايفة مصر متجهة نحو مجاعة وحرب أهلية قريب جدا

اللي يقدر فيكم يسافر و يستقر في بلد محترم يعملها... مش عشان نفسه... عشان أولاده اللي ملهمش ذنب يطلعوا في خرابة زي دي

قبل ما امشي احب احكي قصة اخرى مع طبيب الحساسية

سألته عن حقنة الكورتيزون اللي ساعات على فترات بعيدة باخدها... قلت له يا دكتور انا سمعت انها بتجيب هشاشة عظام وانا خايفة ان دا يبان فيا اوي لما أعجز

قال لي انتي مسمعتيش لما سيدنا زكريا قال لربنا انو اشتعل الرأس منه شيبا ووهن عظمه؟ هو في الآية دي بيتكلم عن هشاشة العظام... شايفة القرآن بيتنبأ بالغيب ازاي؟ انا اتصدمت... معقول دا متخرج من كلية الطب ولا من الأزهر؟ انا جاية اسأله عن حاجة من منظور علمي بحت... انا كدا مستفدتش اي حاجة!!!

انا غيرت الدكتور لانه كان بدأ يخرف وعرفت بعدها انه قعد في بيتهم وادى العيادة لابنه

في الشغل عاملين عليا رباطية بيكلموني من طرف مناخيرهم لدرجة انهم عرفوا اني تعبت ومحدش فكر يقوللي سلامتك... مافيش غير السكرتيرة المسيحية اللي بتضحك في وشي وتودني... الباقيين بقا أصلهم مؤمنين تقاة وحسوا ان فكري علماني واني ما بصليش في الشغل واني استحاله احط الحجاب على راسي... فطبعا مش طايقين شكلي.... بجننهم

في ستين داهية مش هما اللي بيأكلوني عيش
الرجوع الى أعلى الصفحة اذهب الى الأسفل
نهضوية
رويبضى مبتدئ
رويبضى مبتدئ
avatar

عدد المساهمات : 4
تاريخ التسجيل : 14/04/2009

مُساهمةموضوع: رد: ازاي الدكتور يدخل في حياتي بالشكل ده؟؟   السبت مايو 09, 2009 1:08 pm

حاجة تقلب الدم فعلا هؤلاء الدينيون يريدون للمرأة أن ترجع لعصور الحرملك فى أوربا الآن هناك تفكير فى زرع أجنة فى بطون الرجال حتى يشارك الرجل المرأة فى الحمل والوضع فمتى يستفيق الظلاميون .
الرجوع الى أعلى الصفحة اذهب الى الأسفل
 
ازاي الدكتور يدخل في حياتي بالشكل ده؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ساحة الرويبضة  :: الأقسام الخاصة :: قسم المرأة والطفل والأسرة-
انتقل الى: